Just Peace

Militant Aklanons Join President Duterte's Journey for Genuine Change

Militants in Aklan join President Duterte in His Journey to Realize Genu...

Militant Women in Aklan Supports Peace Talks

One Billion Rising in Aklan 2016

“Include us in your busy schedules...” Red Tide Victims in Aklan

Walang Pamagat

Siya na plauta, siya na lagi kong inibig.

Siya na alaala ng tubig, sa uhaw kong isip.

Ang lunti ng lunggati,

Ang samyo ng siphayo.

Siya na Hininga ng bukangliwayway,

Alaala ng kasaganahan ng ginapas na palay.

Usok ng piging ng alaalang 'di magmaliw.

Siya ang lahat ng kailanman,

Na hindi kailanman magiging ngayon.

At nauunawaan ko ang mga tala,

Sa kanilang kalungkutan.

Kumusta na si Chairman Gonzalo at Commander Zero?

Nagising na ba sila sa pagkakahimbing sa hardin?

Tagay para kay Amado Guerrero!

Tagay para kay Armando Liwanag!

Pero huwag kalilimutan-

Isang marangyang tagay para kay Dagohoy,

At sa isangdaang taon niyang pag-aaklas!

Naalala ko si Hikmet, Neruda, at Uncle Ho-

Isang marangyang piging sila ng pag-aalay sa sarili.

Sinta,

Hayaan akong magtampisaw sa Ilog Lena

At tumula nang may asupre sa bibig,

Asero sa dibdib,

At may pagpaslang sa panaginip.

Pagdaka'y babagtasin ang daan papuntang Yenan,

Inaawit ang iyong pangalan na tila hibang.

Naaalala ang mga baywang na iyan,

Ang mga baywang,

Na hinahaplos sa bukangliwayway.

Pagkatapos ng Rebolusyon,

Sa panahon ng Rekonstruksiyon,

Nariyan ka pa kaya?

Maaalala mo pa kaya tayong dalawa?

Mga manlalakbay ng malay,

Mga pangahas ng bukas?

Ahh... maaring pareho tayong

Mawawalan na nang kakayahang

Magbaliktanaw at magmuni-muni

Sa panahong may tayong dalawa.

Pareho tayong maninirahan sa diwa

Ng mga isinalinlahi ng rebolusyong pinag-alayan.

Sa katunayan... matagal na tayong wala.

Naalala mo ba ang kapanganakan

nang hinubad natin

ang ating mga pangalan?

Ang araw nang ang uring

nagluwal sa atin...

buong loob na inulila natin?

Kasama... matagal na tayong wala.

Matagal na... kasama.

Nang buong buhay na isinumpa nating...

Kalayaan ay buong digma nating

Iibigin!

*** a collective work of lovers of freedom.

Pag-ibig

Ano pa ang silbi ng gabi

kung ang tanging kayakap

ay yaring alab ng pangungulila

at karimlan ay nawalan na

ng himig na hehele at hahagod

sa pagal na katawan

at diwang pagod

at uhaw sa tamis

ng panandaliang

pag-idlip.

Naunahan na

ng mga tala

yaring namumugtong

mga mata sa pagtulog...

hilik nila’y ramdam

ko sa hamog na

sumasaliw sa

unang pagtilaok

ng bukangliwayway.

Kagabi pa...

panauhin kang

nilalamayan ng

aking  ulirat.

Kagabi pa...

tila ba’y kalaguyo kang

matagal ng wala...

hindi naging akin...

sinuyo ko siya’t ako’y hinagkan bilang isang kasama.

Kagabi pa...

kung hindi lang

sa iniirog at inaasam

na nanunukdulan nang

pagkatimawa...

klang...! klang...! klang...!

umaga na pala...

nananambana na

ang pag-iisang palad

ng lahat sa sinisintang

kalayaan!  

The Prayers of Ati

Ulan sa Isang Daan

Red Tide Victims in Aklan Staged a Protest